Sabato 23 ottobre 2021

Una vecchia storia tra finanzieri e contrabbandieri la vigilia di Natale

Condividi

Mi piace ricordare una vecchia storia tra un finanziere e un contrabbandiere accaduta la vigilia di Natale molto tempo fa, nella contrada di Baruffini nel tiranese. Non posso giurare sulla credibilità dei fatti, ma mi sono stati riferiti come autentici. Ve la racconto così come l’ho sentita. Mi piace credere che sia vera, perché rispecchia il modo di vivere e di sentire della rude, ma sentimentale, gente di montagna, ai tempi in cui il contrabbando era quasi una “necessità” per la sopravvivenza di alcune famiglie.
Ezio Maifrè

La buntà del finanzée
‘L gh’éra ‘n témp, mìga po tant luntàn, che ‘l Natàl l’éra la fèsta pü desideràda e bèla de l’an. ‘N chèi dì la carìtà la gümàva fo dal cör. Iscì ‘l me piàs regurdà ‘na stòria che a sentì a cüntàla ‘l fa vegnì ‘l magùn. Pròpi ‘n dela nocc de Natàl, ‘ntant che tücc i éra ilò cunténcc ‘n deli so cà, sü ‘n de ‘n bagìsc de Barfìi, ‘n raisìn l’éra a lècc malàa; ‘l scutàva e ‘l tremàva par ‘l febrùn. ‘L dutùr i l’éra visitàa, l’éra facc giù la rizèta deli medisìni de fach tö giù par guarìl, pòo sicùma ‘l savéva che l’éra ‘na famìglia de puerècc, ‘l s’éra gnàa facc pagà. ‘L regiùr ‘l duvéva ‘ndà a cumprà li medisìni, ma de ghèi ‘n chèla cà ‘l gh’éra gnàa l’umbrìa. ‘L por um de mestée ‘l faséva ‘l burelée e ‘n bot ùgni tant, par mìga fa murì de fam la so famìglia, ‘l vàva a cuntrabandà ‘n sach de cafè. Por vèciu! L’à vardàa la so fèmna ilò visìn al lècc del fiöl malàa, pòo sénsa fa bée, l’à töcc giù ‘l rutsàch dal ciòo, ‘l sa tracc adòs la palandràna e ‘l s’à ‘nviàa sü par ‘l sentée deli Ca òlti. L’éra pensàa: gòo de ‘ndà dubòt a tö li medisìni sedenò ‘l mè ràis ‘l mör. L’unica sulüziùn l’éra chèla de fa ‘n viàcc cul sach iscì l’arés pudüü guadagnà vargùt e tö li medisìni. L ’éra ‘na sìra frègia che l’ampalàva i ginöcc. Pasàa li Ca òlti, l’à ciapàa ‘l sentée e l’è giràa ‘ntùran ala casèrma del Sas del Gal, po l’è rüàa a Viàn e giù a solt fina ali ca de Zalénda. Avüü ‘l sach de cafè a credìt, i l’à picàa sü ‘n spàla e ‘l s’à ‘nviàa ‘n sü. Pasàa ‘l cunfìn, apéna derée del Sas del Gal che de ilò sa vedèva giù li ca de Barfìi ‘l pensàva de avèla fàcia frànca, ècu sultà fo dal busch la sàguma négra de ‘n finanzée. Ròba de segùnt ! ‘L por pa l’à pensàa, “adès se mòli ‘l sach ‘l mè fiöl ‘l murirà parché garòo mìga i ghèi de tö li medisìni, se ‘l mòli mìga chèl ‘l ma spararà rée e muriròo sénsa avè giütàa la mè famiglia e ‘l mè ràis”.
Iscì ‘l por um l’à tracc giù ‘l sach e l’è scapàa tüt trafelàa fìna la sua cà.La so pòra fèmna, apèna i l’à vedüü, l’à capìi tüt. I s’à brasciàa scià a caragnà, parò sénsa fas vedè del fiöl.
L’è gnàa pasàa mezzùra quàndu i à sentüü sfudegatà fo par la curt. Sùbit i à abrìi la porta e i à vedüü ‘na sàguma de ‘n finanzée che ‘l fügìva. Ilò tacàa ala pòrta ‘l gh’éra pugiàda ‘na bricòla de cafè, pròpri chèla che l’ éra mulàa.
L’éra stàcia iscì. ‘L finanzée l’éra conusüü l’um che l’éra mulàa ‘l sach de cafè, ma po l’éra savüü àa del so fiöl malàa e dela miséria dela so famìglia e iscì ‘l gh’éra purtàa giù ‘l sach fìna ala so cà. ‘L por pa l’à ciapàa ‘l sach e i l’à purtàa ‘n cà, po l’à vardàa ‘l so raisìn che ‘l durmìva e ‘n chèl mumént sa sentüü sunà li campàni della gésa de Madòna de Tiràn che i anünciàva la nascita del Bambìn Gesü. ‘L por um l’è crudàa giù ‘n ginöcc tacàa al lècc del fiöl e l’à ringraziàa ‘l Signùr per la gràzia ricevüda.
Ezio Maifrè

Unisciti al canale Telegram per gli
aggiornamenti in tempo reale

  1. Titti Rispondi

    Un po’ difficile la lettura del dialetto ma è veramente bellissima. Atmosfere antiche e molto umane.

  2. Anna Rispondi

    Che bella storia…e bella leggerla e tradurla nella mia lingua per raccontarla alle mie nipotine..

  3. Anna Maria Rispondi

    Veramente una storia emozionante, commovente. Fede e Amore vincono sempre. Anna Maria

Lascia un commento

*

Ultime notizie